🌹هبيلة أم خليلة... 🌹
سقط داك القلم
فداك الردم
تقطعات داك الورقة
تمحات داك الحكاية
من ذاك الدفتر
لي كانت فيه
شلا أخبار وأسرار
گالو فداك القبيلة
كانت وحدة هبيلة
تدلع فكل ليلة
تمشي على هواها
تشوف داك لبغاها
شاعت الحكاية
بين أهل الدوار
كلشي ولا يهدر
يطرحو ألف سؤال
علاش تدلع فداك الليل
واش هيا هبيلة
ولا سببها حب داك الخليل
كان عندو ميعاد معاها
يتلقاو فداك الليل
يعشقو الخلوة والظلام
كلشي ولا عليهم يهدر
وكثر عليهم الكلام
ونا تنقلب على داك القلم
لسقط فداك الردم
باش نزمم هاد الكلام
لي فيه شلا من الغرام
في دفتر الاحلام
في زمان الأوهام
ليست هناك تعليقات:
إرسال تعليق