متهم بحب رسول الله
كلمات /د. محمد السيد سالم
انا مش برئ
لو كان غرامك اتهام انا مش برئ
واعلن وصرح للعوام وبصوت جريء
ومش باقولها بالكلام او وقت ضيق
انا متهم والاتهام في اي شيء
انا مش برئ
انا متهم بالغرام جيت اعترف
جاني تخصص في الهيام و محترف
واي حكم من الاحكام مش مختلف
لو حكم سجن بالظلام حبك مضيء
انا مش برئ
لو قالوا سجن بالاغلال مفيش ندم
لو حتى سجن بالاشغال هنسى الالم
انا راضي حتى بالاهوال لو هتعدم
تفرق فى ايه من زمان ميت غريق
انا مش برئ
انا بعاند في الغرام وزاد عنادى
وجيت أأكد الاتهام احكم يا قاضي
شرع وصعب الاهوال والله راضي
هتفضل انت كل شئ لوميت مسئ
انا مش بريء
انا متهم والاتهام باقي مخلد
و الاتهام ده دونه في الفين مجلد
عشقي وحبى حبيبي انت يا محمد
باحبك انت يا نبينا وانا مش بريء
ليست هناك تعليقات:
إرسال تعليق