بقلمي/ ريما خالد حلواني
بيروت يا امي وبيي وعيلتي
خيالك ما بيفارق صحوتي
عم احلمك بغفوتي
انت وحدك فرحتي
ناطرة على امل نلتقي
انسى الوجع لخلاني
اتركك وانحني
يوم غادرتك غادرت الكون
من غير ارادتي
عم ابكيك كل يوم يا مهجتي
سافرت وما لقيت اغلى منك بالدني
كل ما برجع لأرض الوطن
بوس ترابك ولغيرك ما بنحني
ارض الوطن جوهرة هل الكون
اكيد فهمتوني وعليي ما في لوم
كل ما بفكر اني لبنانية
بيهاجر عيوني النوم
وبحلم اني عايشة
ع كتف هل الغيم
محلقة فوق السحاب
صبح وليل
عم اتنقل مثل العصافير
سرب رفوف بالجبال
سارحة غني بهل وديان
وصوتي عم يملي الميزان
عدل وعدالة وحقوق الانسان
وهل بلد عايش بأمان
جيران واحباب وخلان
اصوات الزغاريد تلعلع
من هل بيوت
عم تهنيني برجوع المحبة
ع ارض لبنان
شو حلو الامان
شفة قهوة وضيافة من القلب
رزق الله ع ايام زمان
هيك كان لبنان
الخير والمحبة عايشين بقلوبنا
ضيعناهن وعم نفتش بسلل هل ايام
عجلو ولاقوهم
قبل ما يصيرو عرف
والحكم نافذ ع مر هل الزمان
نضيع الاحلام وتقول
كان يا مكان بقديم الزمان
كان في بلد اسمه لبنان
وفهمكن كفاية
لهون وصلنا الاهمال
من ديواني من صميم القلب
ليست هناك تعليقات:
إرسال تعليق