بقلم/شاعر الأغنية علاء الخولي
عايز تمشي انت حر
امشي طريقك روح للمر
امشي لوحدك انا من بعدك
قلب بيعشق من غير شر
قلبي هواك كنت سماك
وانت يادوب سحابة تمر
كل وجودك زي ردودك
لا بتفيد ولا بتضر
انت حر مشاعرك حرة
ليه تسيبها جوه الدايرة
ظالم نفسك سيبني احسك
انا مش حاسس بيك بالمرة
سايب يومك كله يعدي
ليه مستني يجيلك بكره
عيش الدنيا ثانية بثانية
مش هنعيش اكتر من مرة
انا مش همسك فيك واتحايل
انا مش هجرح قلبي واجامل
انت معايا ومش جوايا
حبك دايما شئ مش كامل
ايوه بحبك بس انا رافضك
رافض يبقى مابنا تعامل
انت اخترت وانا قررت
تبعد عني وتفضل راحل
ليست هناك تعليقات:
إرسال تعليق