كلماتى/محمد تريكه تريكه
الناس فيها اختلاف
انواع مع اصناف
فى ناس كتيرمش حلوة
وناس كمان نظاف ...............
فى ناس تحبك
وناس تسبك
وناس كتير غاليين على قلبك ..........
وناس تعزك
وناس توزك
وناس تساعدك
وناس تواعدك
وناس جميله تكمل بعدك ...............
وناس عظيمه
وناس لئيمه
وناس بخيله
وناس كريمه
وناس حياتها مقلوبه سيما .............
وناس بتجرح
وناس بتفرح
وناس تبوظ
وناس تصلح
وناس فى وقت الوقعه تدبح ...............
وناس تصونك
وناس تخونك
وناس تعايبك
لشكلك ولونك ..................
وناس تعلم
وناس تسلم
وناس تكلم
وناس تصمم
وناس فى ضهرك سهم ومسمم ....................
وناس اصيله
وناس جميله
وناس معاهم فى كل ليله
تحس انك فى وسط عيله ......................
وناس فى حالها
مش شاغله بالها
لو ايه جرالها
ما نحس بيهم ..............................
وناس بتخدم
وناس بتهدم
وناس بترسم
وناس تعيش فى المها تكتم .................
فى ناس تعاشر
وناس تهاجر
وناس تسافر
وناس تقضى حياتها تحلم
ليست هناك تعليقات:
إرسال تعليق