بقلم /أحمد جاد الله
بطل قاسيه
قلبك غاوي القاسية
كل فترة يتقل ويجرح
قلبي اللي دايما فى حبه
سارح
ولما يجي الليل وفارد
سكونه
قلبي يسهر فيك وعيني
تسرح فى كل المطارح
وإنت يجيلك عين تنام
مش غريبه إنك كل
لحظه تجرح فى قلبي
وبتسابقني بالخصام
ولما أعاتبك أو الومك
تهرب مني وتروح
تقولي
بلاش تعاتب أو تجادل
كل كلامك دا أوهام
انتبهلي وبس قولي
إيه يفيدك
لو بعدت أو زودت
الخصام
إنت مهما تروح بترجع
تطلب مني أسامح
على البعاد وع الخصام
قلبي ده اللي حب قلبك
وفي الليل فكري سارح
ونبضه دايما مخلنيش أنام
إنت مالك كل قلبي
يبقى ليه كل الخصام
انتبهلي وخللي بالك
كتر الخصام
يزيد قاسيه والجفا
بيدخل في قلبي
ولما أعاتبك أو ألومك
راح تقصر في الكلام
خد بالك إنت جارحني
ومصمم على الخصام
نفسى أعرف بس قولي
لما أسهر الليل في
بعادك
إنت راح يجيلك عين
تنام
هايجي يوم لقلبي
راح يقولك يالا
سلام
ليست هناك تعليقات:
إرسال تعليق