🌹هجرني الزهر 🌷
هجرني الزهر
وهجرني الميمون
وليت بوهالي
تايه فهاد الكون
نسيت راسي أنا شكون
وعلاش عايش مغبون
من بعد ما هجرني الزهر
وغضب عليا الميمون
بغيت نعرف مال زهر معايا
من بعد ما كان صديقي
شحال عاود لية من حكاية
عندها بداية ونهاية
اليوم هجرني ونساني
وضحك فيا عدياني
حتى صبحت بين الناس براني
بغيت نتصالح من ميموني
نحكي ليه شوية من همومي
ونعاود ليه على زهر لغدرني
وداك الكية لي كواني
وفقلبي شحال عداني
ساعة ميموني مزال كرهني
وشحال راه غضبان علية
سمح فيا ومشى بعيد
وخلاني فالشارع ضحية
ليست هناك تعليقات:
إرسال تعليق