بقلم الشاعر / إسحق حنين البياضي
صاحب العمر..
ليه بنحب ونخلص
ليه نصدق ونثق
ليه نقول ده طيب
ده كويس وابن ناس
لا مش ممكن يخوني
ده حبيبي وباين عليه
انه ابن أصول ومعروف
ده ابو الرجولة ومضمون
عمره ما يفوتني في يوم
اكيد ده إحساسي بيه
ده بيسأل عليا دايما
وظاهر في عينيه
حبه لي واخلاصه لسنين
وفكرني عطول وما بهونش عليه
مش ممكن ينساني
ده عمر فرحي ما يكمل غير بيه
اي خطوة في حياتي
يكون عنده علم بيها
قدام كل اتباهه بيه
وقول لكل ده صاحبي
صديق العمر اللي عوضني
ربنا بيه.
صعب حيطي يميل
لأني مسنود عليه
ده بيشلها من بوقه
عشاني ويعطني
من غير ما اطلب شي
كم موقف مر بيا
والكل هربوا من قدامي
وهو دايما في شد لاقيه
وجودك فرق معي كتير
بعد ما كنت لوحدي
بقيت أنت الجليس
صعب يعدي يوم
من غير ما تؤنس بيك
اصبحت مثل ظلي
من وين بروح بتكون
مع اني لبعيد عنك
بس متواصلين باستمرار
و انشالله نفضل طول العمر
مهما يكون بينا مسافات
يكفي احساسنا ببعض
واللي صعب تفرقها
البعد والبلاد...
روعه ي استاذي الفاضل
ردحذف