قولتلى بحبك ليه ؟
كنتي بتضحكي لقلبي
و لا قلبي ضحكتي عليه
يا ريت ما صدقت
انا خدت من ده كله ايه
يا ريت ما بدأت
مشوار انا اتهنت فيه
حبيت و حبيتي
بس انا حبت بجد
و انت غدرك كان أشد
حلم صغير كان ع القد
انتِ بغدرك ضيعتيه
و بعد ما دارت السنين
فاكره اني عليكي حزين
عارفه انتِ تبقى ايه
عارفه انتِ تبقى مين
انتِ حلمي اللي اتولد
و في نفس المكان مات
إنتِ حلمي اللي دفنته
من سنين مش من ساعات
و عشت و عشتي
اداوي في جرحي
و راضي بعيشتي
و لما تعبتي
بسرعه رجعتي
راجعه لقلبي وبتقولي عليه بيتك
خلاص قلبي نسيكي و انا نسيتك
راجعالي عوزاني ارجع بتحلمي
ما انا قولتلك هيجي يوم وتندمي
لكن انتِ ماصدقتيش
ماترجعيش
انا كنت عايش
و من غيرك هاقدر اعيش
ماترجعيش
ليست هناك تعليقات:
إرسال تعليق