الأربعاء، 7 أكتوبر 2020

متخافيش ؛ بقلم الشاعرة المتألقة / حنان العجمى ( مصر 🇪🇬 )


 

/مَتخافيش

مَتخافيش مِشْ هَسِيبِك

أنا سَنَدِك ظِلِّك حاميكِ

ولا يوم عَدُو يِهِد فِيكِ

لو اتوَجَعتِي امسح دموعِك

لو جُوعتِي تُوهتِي إيدِي بإيدك

أنا روحك دم وَريدِك

أنا أَخُوكِ صاحبِك ابنِك وابوكِ

طريقنا واحِد والحزن هَنعانِد

نِرسِم الضحكة والُّلقمَة بدُقَّة

و أولادنا يكونوا العِيلَة الَّلمَّة والصُحبَة

هَنِكتِب أسامِينا بصوت خطاوِينَا

نِتألِّم نِتحَمِّل فَرحِتنا تِداوِينَا

هَنعَلِّي البنايَة ونحكِي الحكاية

هكون دِرعِك ووقت العُوزة ظَهرِك

أسقي الزرعَة أَخَضَّر أرضِك

دايْماً جَنبِك أصون عَرضِك

أغزِلِّك فُستان من نرجس وريحان

وأنا وانتِ نعيش الأمان

رَبِّك حامِي من غدر الزمان 

خير وزرعنا وهَنُحصُد كمان وكمان

من يُومنَا واحنَا ف عناية رَحمَن 


ليست هناك تعليقات:

إرسال تعليق

المدرّبة سيلين أبي حيدر تكسر قواعد الحميات التقليدية: الصحة الحقيقية تبدأ حين نتوقّف عن محاربة أجسادنا!

متابعة/زيزي ضاهر  في عالمٍ باتت فيه الحميات الغذائية والأرقام على الميزان معيارًا شائعًا للصحة والجمال، تبرز أخصائية التغذية و NLP Coach سيل...