وبحلم
ومش كتير علياالحلم
وبهرب مني لحظةيأس
وتهزمني جيوشي بعزم
تصحيني تفوقني
تقولي عودي لحدودك
لعتمةليلك الضلمه
لبراحك اللي ملوش مرسى ولا آخر
لسكة روح وما تفكرش يوم في رجوع
وأنا ما طلبت الا نجاه
وبر أمان وحضن سلام
وجبر لجرح كان مكسور
ونفسه يلم
لروح مشتاقه وبشده لروحي تضم
لفرصه سعيده لو مره فى كل العمر
وبحلم…..
وحلمي يمكن يكون خيالات
تمني لقلب كان محبوس ..
لروح بتموت
لكن عايشه بتتنفس
طلوع الروح
وعشمانه فى جبر الكسر
لقلب عفيف بنص الطُهر
أكون له أم وحبيبه وكل الأرض
لسندة ضهر….
وناس تتبت فينا مانهونش
لود..وأُلفه..وبرحمه
وحنيه ما تتزيفش
وبحلم
يكون عندي شوية صبر
واكمل رحلة الأحلام
ولو حظي غدر بيا
واحلامي ما تتحققش
ليست هناك تعليقات:
إرسال تعليق