بقلمي.. الشاعر حاكم الأسدي.. العراق
اجيت ابكَلب ينكَط شوكَـ .....
والضحكات بشفافي
بعد ما علماني الشوكَـ ....
أمد جدمي ,, الطرف محدود بلحافي
اجيت وروحي هزهه الشوكَـ ...
بكَليب البقه اموافي
اجيت وكل نبض بيّه .....
يرتل نغمة اللهفه ,,, ويكَلهم جيتكم لافي
غزل ينبع رفيف وهام ....
يطرب بالنفس ويكَول مو كافي
اجيت ابلهفة المفطوم ....
من يحتام لمحاضن صدر ...
والجفن مو غافي
اجيت ابحضن شايل كل حنين الكون
نص ليل الشته ودافي
اجيت ابعطش شوكَــ البيد
من توصل نبع صافي
كَبل ما ترتوي ,, مريود شمة شوكَـ
بيها نشوة الشافي
اجيت .. أبونة المصيوب .. تنضح آه .!!
. ورضاب بشفافك مرهم ووافي
اجيت .. وكل كياني ايموج ...رجفة خوف..!!
لملاكَه الدليل ... الشوكَـه مو خافي
وأهروشه ترفرف ... سيل نبض الروح
والدلال متعافي
اجيت ابجدم يزحف عالمنايه ازحزف
نص تيزابهم حافي
اجيت .. أحبّي ..!! حبّي
شوكَـ الطفل للديس
زززززززز واسعى ابقوة اطرافي
اجيت وعشكَـ روحي امدندل ومفضوح
والدلال مو نافي
اجيتك واللسان ايذوب ...
مابين الغرام ولذة اطيافي
يمن خليتني ابمحراب..
بي بس الهوى وماتاب ..
واتعدى ابغرامه وشاب ..
وافتر يرسم اهدافي
يشوكَك والغرام البيه ..
ثبت تاج بجتافي
ليست هناك تعليقات:
إرسال تعليق