بقلم : الزروقي جواد المغرب 🇲🇦
علمني زماني
و قراني بلا كتوب
بلا دواية بلا قلم
كيف نرسم فالخيال
صورة بنادم الغدار
و نكون معاه ديما رد البال
علمني زماني
كيفاش نصبر.......
ونسمح فحقي
رزقي عند الله مضمون
من نهار جيتي لهاد الكون
علمني زماني
نصبر ونزيد نصبر
ونكون فالدنيا عوام
غطاس بين مواج
حيت الدنيا عامرة غدر
ماشي أرض خالية
علمني زماني
كيفاس نعيش
وسط غابة الوحوش
بين كلاب ودياب....
تايه وحداني
بعيد على الحباب والصحاب
علمني زماني
كيفاش نجيب خبز حلال
بصحتي وعرق كتافي
بلا ما نغدر ولا نحافي
علمني زماني
كيفاش نعيش هاني
وبالي مرتاح
فالد نيا غير ثواني
نحقق فالحلال كل الأماني
المهم على كل حال
الحرام طغى على الحلال
وكثر قطيع الكلام
ضاع بين الناس سلام
ولينا عايشين فدنيا
كلها ظلام وأحلام
بين الحقيقة والأوهام
ليست هناك تعليقات:
إرسال تعليق