بقلم/ الأديبة والشاعرة زيزى ضاهر
ل الطير الشادي
اشتقتلك يا حمام
لا هديلك بفي الدار
وتقلي جوعان
للوطن والجيران
اشتقت للنسمات
لفراشة الوديان
تقرب ليا وتقول
تا تلحقيني شو مشتاق
لا وردة لي بالدار
تشرب من في الغيم
وتقول سقيني خي
اشتقتلك يا هاك الدار
لِ نايم بحضن الغيم
وجبال ع الميلين
تقول للنعسان سهار
اشتقتلك يا دروب عم تغزل أشعار
تنسج ع وج الشمس خيوطها وتنام
وتكتب ع مَد الغيم حروف الأيام
قصيدة شعر من قلب جوعان
ل بلاد الفل والريحان
ومع سكرة الأشواق
توشوش الخلان
خلّي حنيني يروح
ل ترابك الباكي
ودّي معه اسرار
تحكي حلاها للغيم
ل حيطان مهجورة
نايمة بحضن الشوق
سارقة من السما حلاها
من الورد شذاها
من الحلم صباها
تقلي والصدى صوتي
ارجعي أنا جوعان
أقطف ورد وفل
وقول يا نجم سهار
من هون خلق القمر
من بلادي العذرا
من بيادر ما بتنام
إلا والقمر جارة
ولي زاد حلاها
أنفاس عشتار
مزيني صباها
Zizi daher
ليست هناك تعليقات:
إرسال تعليق