🌹الصبر تقضى🌹
راه الصبر قلال
نقدر نقول تقضى
بين هذا وهذا
سكني الحزن
وهجرتني السعادة
جمعت حوايجي
ونويت نسافر
بعيد ولا قريب
المهم هو نهاجر
وخا نركب قوارب الموت
نقدر نعيش ولا نموت
ولا يكلني الحوت
المهم نحقق الحلم
حسن منعيش فهاد البلاد
حزين ومشموت
راه تقضى الصبر
ما بقى غير المفر
فالبحر ولا فالبر
المهم هو نغامر
و فهاد الحياة نستمر
راه عيت صابر
والقلب راه ولا عامر
ما بقا لية فين نزيد
المهم نسافر قريب ولا بعيد
راه القلب عيا
حيت مصنوع غير من اللحم
ماشي معذن من الحديد
راه الصبر قلال
وهدا غير حال
من شلا أحوال
ليست هناك تعليقات:
إرسال تعليق