خدني معك
عبوابنا العتيقة
مطرح ما الثلج
غفيان عبوابها
حملني عجوانح الألفة
قبل ما يشيب الحنين
وتنام حراسها
وهونيك تركني ضيع بترابها
ومن سكرة الحب
إغفى يوم
ويوم فيق
ويوم ودي
مع النسمات مرسالي
تخمين ناطر هونيك محبوبي
خدني يا هاك الطير
وغرد بحنيني بعيد
مطرح ما الغيم ناسي حالو
ومع رياح الغربة
شلحني صبحية
عبواب غفيانة منديلها مسافر
عا دروب منسية
يمكن يرجع ربيعها
مزين بقنديل حبنا لي كان
ونلتقي تحت شباك أحلامنا
متل مجنون شارد
بليلة هجرها الحب
وعتيابه معلقة
ريحة المطر ببلاد الربيع
مسكين كيف صار حلمك
مخبى بفي ظنون الخريف
ناطرك والأمل عشفافك
وعد تا تعودي معه بكير
ونسكر ورانا بوابنا العتيقة
قبل ما يهرب
ويسافر ربيعك
عمطارح بعيدة
عن موطن الألفة
ودور عليكي بليل ومطر
تكوني حدي
وما لاقيكي
Zizi daher
دام نبض قلبك و حرفك صديقتي
ردحذفإبداع في اختيار الكلمات والتعبيرات الجميلة وليدة الخيال الجميل
ردحذف