🌹هدا زمن العجب 🌹
هاي هات علا زمان
ولينا عايشن فيه
الميت هرب بالكفن
ما بغا فداك الحفرة يتدفن
والسر تفضح وبان
بنادم ولا يتگلب معندو لون
ولد الحجلة ردوه سمان
هدا زمن العجب
ولي جاي زمن الغرايب
خياب لي كان مزيان
الجيب عامر والقلب جيعان
اللهفة حكمت كروش الحرام
نساو الدرويش وخا جيعان
عگب الزمان فيه عگايب
الوجه مبشور والقلب خايب
كلشي ولا طاغي
كلشي ولا سايب
رجع سوق النصابة عامر
هدا لهداك داير مصيدة
يلاه في 2020 شافنا العجب
ما عرفنا الوقت واش جايب
هدا زمن العجب
ولي جاي زمن الغرايب
ليست هناك تعليقات:
إرسال تعليق