#من_صميم_القلب_مع_ريما
بيروت طير من السما
الله خلقو وحط رحالو عندنا
ببلد القداسة لون جناحو حب وهنا
ونحن عم نتغنى فيه كلنا
بلادنا فيها بتحلى روعة الكلام
مناخ وجمال واستجمام
ما احلى هل عيشة ع مر الزمان
لو الحروب دمرت حجارو
والدموع فاضت بأنهارو
دموع الحبايب عم تسقي اراضيه
شوي من جبران وشوي من رفيق
وشوي من كل مناضل وصديق
عم تنتعش هل أرض بل وفاء،
بدم الشهداء
يلي لو غابوا عن العين
بالقلب ساكنين وما اختفوا
صحيح الخوناء ماشيين
على هل الارض
القصة مش مطولة هلق ع الارض
وبعدين ع جمر جهنم لح يتنقلوا
مش عارفين كيف بدن يحموا
حالن من الوجع
ما في غفى ولا دفا بنار نفوسن ضايعين
يلي ضمر الشر لح يرجعلو
ويلي طبخ السم لح ياكلو
ولو بعد حين
الايام جاية مش رايحة
والقدر محتوم ومكتوب
خلي ايمانك كبير
وما تخلي عزيمتك تغيب
ايدي بإيدك يا حبيب
لح نرجّع لبناننا الحبيب
ليست هناك تعليقات:
إرسال تعليق