(رغم البعد)
آنه معجب
في شخص لكن بعيد
وآنه احس بطيبته رغم البعد...
بيني مابينه
صفه ساعي بريد
الفيس من ينشر أشم عطر الورد...
عمي ياگلبي
شجالك ماتهيد
لا يشوف بلهفتك تالي يصد...
عمي ريض
ولو أدريبك عنيد
وياما أنصح بيك لكن ماترد...
آنه اخاف عليك
من نبضك يزيد
ومن يزيد الشوگ روحي تنمرد...
لكن امبارك
إلك شوگ الجديد
وآنه إلك فرحان لله الحمد...
منتظر ملگاه
وادري الملگه عيد
وآنه احس اثنينه بيه ننسعد...
سر يگلبي
آنه اكشفلك اريد
يوم يوم بهالحظر آنه أعد ...
يالله آنه وياك
حط الأيد بيد
للسفر بعد الحظر خل نستعد...
وخلنه نتحلى
بصبر عله يفيد
جروحي وجروحك نحاول تنهمد...
يمته أشوفه
لاتضل تصقل تعيد
ونار شوگك وجرت ماتنخمد...
آنه هم مثلك
أجن واسكن البيد
وحالتي تصبح تره ماتنحمد...
ليست هناك تعليقات:
إرسال تعليق