🌹القلوب الغدارة 🌹
تخاصمت أنا وقلبي
والهوى شاهد علينا
منين بدينا الخصام
وحتى منين سالينا
مشينا عند قاضي الغرام
كلها ويگول كلام
تكلام قاضي لغرام وقال
نضمو الهدرة واش نتومة هبال
بدا القلب يهدر
حسيت فكلامو شلا غدر
نسى داك العشرة الزوينة
ونسى أيامات الصغر
گال داكشي لگال
وجا الدور عليا باش نهدر
گلت ليه شوية من كلام
ياك أقلبي نسيتي كلشي
ونسيتي ونا هازك من الصغر
ونتى فصدري تقهر
و لكن جا هاد النهار
شفت فكلامك العجب
وماكنتش ناوي فيك الغدر
أنا عارف راسي معندي زهر
شاف فينا قاضي لغرام وقال
تأجلت الجلسة حتى لداك النهار
ليست هناك تعليقات:
إرسال تعليق