بكلمها.. بقلم الشاعر الكبير /أيمن شتا

 

بكلمها مبتردش.. وعاملة فيها زعلانة

واقول نكته كمان اقلش.. تقولي اصلي غضبانة..

طب اعمل ايه وافهمها.. اني حفظت سستمها..

كل كلمة وياها.. .. لازم تزعل.. لازم تقفش..

بكلمها مبتردش..

وعاملة فيها زعلانة..

بتتغير كدا في ثانية.. بشخصية يا ناس تانية

ولاقى بوزها دا شبرين.. كأن اتهدت الدنيا

وتقعد باصة للتليفون.. وحاطة في ودنها هدفون

واقول أعقل متقصودشي..

هي بس تعبانة..

اكلمها مبتردش..

وعاملة فيها زعلانة..

حبيتي مترحمي شوية.. دا دم بيجري مش مية

كفاية الدنيا دي عليا.. وخفي شويه من زعلك

قوليلي بس اعمل اية.. عشان زعلك خلاص تنسيه

اجيب وسطة بقا لمعاليه..كفاية تعبت من دلعك

واكلمها مبتردش

وعاملة فيها زعلانة

اقول نكتة كمان اقلش

تقولي اصلي غضبانة

طب اعمل اية وافهمها.. اني حفظت سستمها

كل كلمة وياها.. لازم تزعل.. لازم تقفش

بكلمها مبتردش..

...

ايمن شتا