انا أسفه.. بقلم الشاعر الغنائي /أيمن شتا

ولسة مصدق الكدبة.. وهتعيشني اوهامك

بجد الحالة دي صعبة.. كرهت الدنيا علشانك..

بقيت خايفه اعيش فيها.. انا يدوب مقضيها..

حياتي وكل ما فيها.. بتهرب مني قدماك.. 

ولسة مصدق الكدبة.. وهتعيشني اوهامك..

عملت البحر دا طحينة..

فرشت شطه أمانينا..

بنتلي قصر في الأحلام..

وجيت اسكن وقع بينا..

انا غلطانة صدقتك..

وجيت على نفسي وعشقتك..

حتى بص في مريتك..

تلاقي الكدب عنوانك..

ولسة مصدق الكدبة.. وهتعيشني اوهامك..

طريقي وحدي انا همشيه

ولو ع الجرح انا هشفيه

وقلبي هدوس واخطي عليه

خلاص شبعت من كدبك

انا غلطانة صدقتك..

وجيت على نفسي وعشقتك..

انا اسفة معدش كلام

ولا همشي ورا الاوهام

خلاص هصحي من الاحلام

هفوق وانسي اني صدقتك

وخلي الكدب علشانك

وعيش بعدي فأوهامك

واكدب تاني في كلامك

وعيش وصدق الكدبة

انا غلطانة صدقتك..

وجيت على قلبي وعشقتك..

بجد الحالة دي صعبة

ولسة مصدق الكدبة

وهتعيشني اوهامك

كرهت الدنيا علشانك

انا اسفة ان انا عشقتك

انا اسفة أن انا عشقتك

...

ايمن شتا