وينك يا بيه
عم فتش عليك بين الوجود
ما لقيت متلك موجود
وجوه بالكذب عارمة
وبالخيانه عايمة
كيف كنت بكرمك عم تجود
والله مثلك ما لح يكون موجود
اخلاق وشهامة وعزة وكرامة
وين راحت الشهامة
خيانة وغدر ومهانة
الرجال قلال وما عدت
شفت من بعدك شهامة
اخذتها معك وسافرت بعيد
ع دنيا ثانية ما فيها خيانة
وكذب وسفالة
كيف تركتني عيش العمر لحالي
وانت وعدتني تضلك قبالي
يا ريت ما تعلمت منك الاصالة
حتى ما اعرف شو هي الخيانة
للأسف علمتني الصح من الغلط
والغلط اكثر من الصح بكثير
ميزان الغدر والخيانة
طالع طلوع
وما حدا بيهتدي
وعنوا ما في رجوع
الله يلعن الخاين يلي
امو ما عرفت ربتو
لكن لح يجي يوم
ويوقع بشر اعماله
لأن الله ما بيترك المظلوم
ليست هناك تعليقات:
إرسال تعليق