مَتِبكِيش عَ إللي فات وعيش
إوعى الدنيا تاخدك بِقساوِتها
دُوب فيها وجوَّاها تعَلِّمَك محبتها
ياما ناس بتنداس وقلوبها ألماس
وناس بِتِلبِس وشوش تخَبِّي شر النفوس
يشتروا كلام ويبيعوا كلام بفلوس
فيلم ينَوَّر فيه الأفيش
وأدوار تتوَزَّع ظالم ومظلوم تَعِيس
والأجر عند الله لكل صاحب معدن نفيس
عرين الأسد الديابة عليه مَتجِيش
يغرز أنيابُه ف لحمهم
ما يقدروا يبخُوا سِمُّهم
ملك ما يتأثَّر بحقدُهُم
وأذاهُم يِترَد ف نَحرُهُم
وعَ الكل دايِر الكاس
العالي راسُه تنباس
وقليل الشأن فِ الطين برجلِيه غَرَّاس
بقلم الشاعرة /حنان العجمي
ليست هناك تعليقات:
إرسال تعليق