بقلم/ إسحق حنين البياضي
راحت فين ومنين نجيبك
سافرت بعيد وتاهت طريقك.
خسارة بعد ما كنت ملازمنا.
من لفه لحد ما نوصل لكفنا.
من مصغرنا وكمان لما كبرنا..
دايما معانا وما بتفرقنا
ننام ونقوم مؤنسنا في فرشتنا.
في افراحنا واحزانا مع نزول دمعتنا.
الإحساس ده أصله نعمة
صفة موجودة مش بيعة ولا شروة.
مش مع كل الناس تلاقيه
درجات مختلفة وظاهرة عليه
ناس الكلمة بتوجعهم اووي
وناس مليون كلمة ما بتفرق معهم
الكلمة للاحاسس تزعلة
وينام ودمعة علي مخدته
ويفضل صوتها يرن في مسمعه
وممكن تآثيرها عليه تدبحه
وناس تانية كلمة تضحكه
اسمعها مني وركز ف كلامي
الإحساس عمره ما كان مداري
ده تمنه عالي وغالي
احساسك يعمل ليك قيمة
ويعلي شنانك مقام وهيبة.
وتربح اغلي من الماس
شهادة عاليه فوق الرأس
لما الكل يقولوا عليك
ده أنسان .وأصله حساس
يارب منك طلبنا
نتعلم ويبقي الإحساس
لغتنا وشميتنا.
لانجرح حد .ولا واحد بكلمة يدبحنا
ليست هناك تعليقات:
إرسال تعليق