بقلم/ صبرى السعدى
يا عسل الشمال
وياحلاة البيك
يا ورد الحدايق يانع ويلتم...
تفوح اعطور
منك واليصلها ايطيب
يشفى من العلل لحظات بس يشتم...
جمال البالورد
غازل جمال البيك
سبحانه الخلق وابهالجمال انعم...
صوتك بس سلام
اتذوب كل اعضاي
اذا طال الحديث اشلون ما اسلم...
من تحجي همس
چنه لحن زرياب
تطرب روحي ليه وللجرح بلسم...
ادمنت اعله
صوتك
اسمعه ابكل يوم
واصيح ابعالي صوتي الله لو تسلم...
واضن لوما
سمعتك
لو بعدتي ابيوم
واضح لو اجن لو موتي يتحتم...
واضل ليلي
ونهاري
انتظر بس ملگاك
وكل لحظه التمرني بدونك اتألم...
مو عشره
طويله
بس قليله ايام
لكن ليلى صرتي وقيس انا المغرم...
عينك من تصد
اعرف اشراح اتگول
وگبل نطقة لسانك صرت بيها افهم...
اول ماشفت
صدگي جمال العين
وسيعه امكحله شو گمت بيها احلم...
ومثل قالب
ثلج
بارد احسه ايذوب
جسمي ايذوب كله ابصوتك الرنم...
كثر عندك
مواهب
جمعاها الله
مثل كثرة جمالك والبعد يند م...
يا آية
حسن
محروسه بالرحمن
اخاف ايطول بعدك گلبي يتحطم...
ليست هناك تعليقات:
إرسال تعليق