»« فينك؟؟؟ »«
فينك يا اللي كنت بتسأل عليا
وتخبط علي بابي كل صبيحة
وترفع ايدك الي السماء
وتدعي لاخواتي وليا
رحت فين...
ذاد غيابك عليا
مشتاق اسمع صوتك
وانت يتنهد عليا
مش هتكسف واقول انك وحشتني
وده حقيقي لان غيابك إثر فيا
عرفني اني بأحبك
طبيعة ومغروسة فيا
ما حسيت بيها غير
لما فرقت الدنيا ديه
كنت دايما بطبط عليا
وفي وسط المحن تقويني
وتقول دايما ما تخافشي
خلي السهل عليك والتقيل عليا
أقع وقوم ديه حال الدنيا
اوعي تستسلم وتقول ما فيا
طلما عايش ما في شي يكسرك
انت ابني الغالي ودايما قوي
عكازي في كبري اتسند عليه
وحملك علي كتفي أرمية
وأمسك ايديا في إيديك
وان مال بيك الحال
ظهري موجود اتسند عليه
واللي عملته في مصغري
أحصده فيك
واللي زرعته انا فيك
تحصده بناتك وبنيك
ده حال الدنيا
يوم ليك ويوم عليك..
ليست هناك تعليقات:
إرسال تعليق