رسالة إلى أبنائنا
إرادة ربك تكون إنسان.
وهتفضل كده إنسان.
مهما طال بك الزمان.
همْ وقوم
شأنك شأن البشر.
ربك قالها في القرآن
لازم تكون شقيان.
مش انت من الشبان؟
إيه ياأخي على إيه بتدوَّر؟
على وظيفة في كومة قش؟
ومستني يجيلك منصب
أو حد يوهبك نيشان؟
ولا هتقد تحكي لإصحابك
دا إحنا عيلة وكنا وكان؟
وتحكي عن بدلة وارثها
عفا عليها الزمان بزمان
متعلقة على الأركان؟
مسيرها تعت تزول
وتفضل إنت كده!!!!!
في صف البطالة قاعد
من جملة الشبان؟
أنا شايفك كويس
مصري من الجدعان.
غني الشهامة قوى
بدرجة آدمي إنسان.
همْ والحق مكانك
بين بني الإنسان.
وخد حظك من الأزمان.
دوََّر فين بينزل رزقك؟
وروح له فى أى مكان.
يابلدي ضمى واحضنى
واستثمري قوة الشبان.
هم الذراع القوية
يبنوا، يعلوا ويعيدوا
حضارة الأزمان.
إيدنا معاهم شارة
وعقلنا لهم، بالعلم والإيمان.
1/1/2021
ليست هناك تعليقات:
إرسال تعليق