حرف من اسمك (في حب مصر) بقلم الشاعر الكبير /أيمن شتا

.... 

انا حرف من اسمك... ونبتة من طينك

انا حتة من جسمك... وعمر في سنينك

انا ابن ليكي.. بس ابوكي..

انا جندي فيكي.. عمري فداكي..

انا عشت فيكي... عمر وصبايا..

وكل همي تبقى معايا...

ليوم هسيبك.. ولا اخلي بيكي.. 

مانا ابن ليكي.. بس ابوكي..

انا لون ملون فالعلم...

انا جسم ومليني الالم...

بس ألمك مش شوية..

والله يا بلدي لو عليا..

لبيع حياتي واشتريكي..

انا جندي فيكي.. عمري فداكي..

انا حرف مكتوب مالبداية..

من يوم ما مينا وحدك...

اسمك هيفضل للنهاية..

والله ولا شيء يغلبك..

مانا جندي فيكي.. عمري فداكي..

إبقي ايه لو مش معاكي..

انا حتة منك... وعمري سنك..

انا ابن ليكي... بس ابوكي...

يحميكي ربي ويراعيكي..

انا حرف من اسمك... ونبتة من طينك..

#ايمن_شتا