بقلمي/ ريما خالد حلواني
قلقانة وما جاينه نوم
عم فكر كيف بكرة بدي قوم
شحار وتعتير وقلة ضمير
والعالم عم تحاكي حالها
وما عليها لوم
وجع الغلى اسود اللون
والحزن صار مكون كوم
والرغيف عم يهرب لبعيد
والفقر عم يجدد حاله تجديد
الحالة تعبانة وعم تزيد
والدولار مبولد مثل الحديد
مثل السيف عم يقطع
طلوع ونزول
وكل واحد معو دولار
عم يتمناله للطلوع
تاركين هل بلد
عم تنزل نزول
وما عارفين شو ناطرنا
بهل الحقول
الوضع ملغم يا اخوان
انفجار الغلى ما الو دوى
لح يدوى بيوم من الايام
ع طول المدى
وصوته صدى
لح يدمر كل البيوت
ورزق الله
ع دويك يا دويك
صبحك بالخير
ستنا بيروت
ليست هناك تعليقات:
إرسال تعليق