بقلم/ الشاعر الأمير محمود
سمعت أنا خربشات الورق
وهو بينقش عليها القلم
سألت عن عمرى إللى أنسرق
لقيت محدش بيه علم
روحت اقلب صفحات حياتى
لقيت عبارات معرفتش اقراها
إللى عشت فيها اوقاتى
بس مكنتش فاهم معناها
الحبر مال عليها وانسكب
الحبر سال بعينى دموع
بلل الورق وطوى صفحته
نار الوجد بتقيد شموع
القلب م الألم بيدارى لوعته
طلعت فوق سطح الأمانى
أشوف الحرمان قد أيه
لقيت القلب م الجرح بيعانى
محدش فيوم سأل فيه
وهو فى النار بينحرق
ح أحطم القلم وأمزق الورق
جايين يعيدوا إللى فات
ويعملوا فى حياتى قلق
سنين طويلة ناسى الزكريات
ليه رجعتولى الحنين للماضى
عشان أشوف روحى فيه
مانا كدا بحياتى راضى
صحيتوا جرح كنت ناسيه
مركب راكب فيه وغرق
ليست هناك تعليقات:
إرسال تعليق