بقلم/ وجية حلمي
فاكر لما كنا صغيرين
كان لعبنا عرايس وعجل
وبيوت من طين
واستغمايه وكوره شراب
كل يوم مع بعض مجمعين
ولمبه جاز بتنور حوالين كتبنا
و في عز الشتاء حوالين كانون
مدفيين
واحلي لمه حوالين طبليه
واكلين شاربين
طب فاكر لما
جوه الطشت كنا بنستحمي
ولعبنا تحت المطر
فرحااااااانين
ولما كنا نلف بين الغيطان
وبالطباشير نكتب علي الحيطان
الأهلي حديد ومتين
فاكر المريله
ونشيد الاوطان
وعقله الاصبع وأمل وعمر في البستان
فاكر زمااان
كانت بيوتنا من طين
مليانا بركه وسلام وحنين
لا تقولي فيسبوك ولا واتساب
ولا انت عارف بتكلم مين.
كانت سلاوتنا حكاااوي
ولعب بسيط من غير قوانين
وضحكه من القلب تجلجل
تطبطب علي قلب حزين
كنا ننام من العشيه
ونصحي من الفجريه
علي صوت ديك بيهلل وصوت عصافير
انغامها زي الكروان
كانت حياتنا بسيطه
لا زحمه وزيف ولا زيطه
كنا حقيقي
بني آدمين...
ليست هناك تعليقات:
إرسال تعليق