و باصبح عليك ياهدهد
شايفاك ولهان
مشغول بالكل يا عصفورة للشازي سليمان
فاكر يا هدهد بلقيس
و العرش كمان
ربي خَلّدني في كتابه
و معايا غُراب
تعالي معانا يا حمامة
كلنا أحباب
على باب الله ماشية
أدوَّر للرزق اسباب
يا يمامة طايرة معدية
على فين يا جميل
تعالوا ورايا يا غوالي
و بلاش تأويل
الرزق حلال مالي الوادي
و الماء بيسيل
الصقر مسيطر ع الوادي
غدار و حقير
علشان نرتاح من أشراره
جماعات هنطير
و ننزل نشرب بشجاعة
من قاع البير
خايفين م القط هناك قاعد
أصله غدار
من فوق هنبُص و نتابعه
مش رح نحتار
لو كان فيه كلب بيتمشى
بيزيل الاخطار
و الثعلب ناوي يتعشى
حيوان مكار
و الأرنب ماشي يتمختر
ربنا ستار
و الفرخة ماشية بتتلَفّت
و الموت أقدار
و حمار بينهق في الضلمة
بئس الأصوات
يزعجنا مع أهل الحارة
حتى الأموات
و البطة بتجري
مرعوبة سلامات سلامات
اهدي يا بطة يا جميلة
الثعلب فات
لفينا الدنيا و سماها
و رجعنا العش
و مالينا بطونا من رزقه
بحلال مش غش
و عشوشنا الحلوة
بنيناها باعواد القش
أسعى و توكل على ربك
ترجع مبسوط
بشهامة و همة وسعادة
الخير ما يموت
الدنيا حقيرة و كدابة
اَخرتها الموت
.................. ...............
من خيالي و بقلمي
محمد جايل الحمايدة
ليست هناك تعليقات:
إرسال تعليق