الدواوين....بقلم الشاعر /أيمن شتا

هجمع حروف اسمك..

 واعمل بها دواوين..

 واكتب واقول انتي...

 حب ودفا وحنين..

واكتب في اشعاري..

حضنك امان ليا..

 وأسكن وريد قلبك..

 وتسكني عنيا..

واحكي كما الراوى..

 عن قصة العشاق..

 وارسمها في حكاوي..

واقول انا المشتاق..

دي حورية م الجنة..

 نزلت تدوس الأرض..

خطفتني بجمالها..

بقى حبي ليها فرض..

لفت انا الدنيا..

وخدها طول وعرض..

اجمع حروف اسمك..

 واعمل بها دواوين..

واكتب واقول انتي..

حب ودفا وحنين..

يا عمر فوق عمري..

 يتعاش سنين وسنين..

انا مهما اقول واوصف..

ما تكفني الدواوين..

...

ايمن شتا