رد حبيبي .بقلم الشاعر//حاكم الأسدي

 رد حبيبي ..!! أحتاج رمشك ..!! 

.................... للجرح تصحى وتروف 

رد .. بلايه عيـونك ..!! أسـهىٰ ...

................ وأبقىٰ محتاج آنه أشوف

ورد ..!! أذا ما بيـك ردّه ..!!

..... خلّي طيفك غفله بكَليبـي يحوف

رد .. يمـن مسحاة هجـرك ..!! 

................... عاثـت أبذيچ الجروف

وسهم بُـعدك صار مغـزل ..!!

.... بي شراين الكَلب .. ملفوفه خـوف

رد ... يمـن نتـاكَـ روحك ..

.................. غـذه روحي ..!! 

..................  وكَلبك أبكَلبي يطوف

رد ..!! تراهي الدنيه غيـم ..

....................... وزود ضـيم .. 

.............. وشمس تترجه الكسوف

رد .. حلاوة بهجتي وياك ضاعت ..

........... وأنكسـر كاس الملذه ..!!

................ وتاهت أبلحظه الظروف 

رد .. تراتيل الحزن .. نزفت بواچـي ..

.............. وحسـره وآلام ... وحتـوف 

ياااااااا دليل ..!! النبض روحي ..

..... ولمسـه وي خاطر أجروحي..

................ الصـفت تتـحده السيوف

وصـرت ..!! تعبيرة أمعيبر ..!!

   ( عـده مشحوف)  و (حشيش) 

      و (ذيـب ..!!)  والمغزىٰ (الخروف) 

وتاه ميدان الرهـن .. بجروف شطّه 

............. وما عرف مقصـود خطه

................ وتاهـت أبخلكَه الحروف 

هــا ... يم بيك أنتخيـت ..!!

             وذبني واهـس 

                   خَـل تداعبنـي الزلوف 

ورد .. عليّ ميـمـر نـواعي ..!!

.................. وخل نناغيها الدفوف

وخل تفـيّـع بالمسـا 

           من حنتـك ... ذيـچ الچفـوف

بقلمي....الشاعر حاكم الأسدي.. العراق