مزاد علني.بقلم الشاعر/فتحي درغام

الا أونا..... الا دو.... الا ترى 

يلا ياهانم يلا يابيه 

يلا هنفتح المزاد 

علي قلب كان شباب بس داب من كتر العذاب 

وحبيب بايع وطبعه قلاب 

قولت هيتصلح حاله بس الاصل غلاب 

فضلت احايل واسايس بس هو استاذ

 فى السهوكه و العتاب

يلا ياهانم يلا يابيه 

يلا هنفتح المزاد

في شويه احلام اصبحت سراب 

وشويه سعاده  طارت في السحاب  

وهبيع ضحكه وبسمه كلها وجع واهاات 

وهسيب ليه تكشيره وبوز ولا بوز الغراب 

وهبيع جسم خاوى مكانه يندفن في التراب

يلا هنفتح المزاد 

هبيع عمر سعيد بس وقته فات 

وسنين كلها جراح واهات 

هبيع روح مليانه بالوجع والذكريات

منها الحلوه بس اوانها برده فات 

ومنها الي فيها امل بس بعتها في المزاد الي فات 

وكمان حبة ذكريات طفوله واللعب في التراب 

يلا ياهانم يلا يابيه 

يلا هنفتح المزاد 

هبيع حبه ايام كلها احلام واوهام 

وكمان شوية سعات كان فيها حب وغرام 

يلا ياهانم يلا يابيه

يلا هنفتح المزاد

واهم عرض في المزاد  حبة وشوش 

عامله فيها غلابه بس في الاصل ديابه 

الا أونا..... الا دو.... الا ترى

يلا ياهانم يلا يابيه 

يلا قبل من قفل المزاد

هبيع قلب كان نفسه يعيش في سعاده بس اتحطم وداب بزياده

الا أونا..... الا دو.... الا ترى

خلاص خلصنى المزاد

بقلم/فتحي درغام 

الــــــــــقـــــــــــيـــــــــــصـــــــــــر