بقلم/الخال منير تكلا
مع بنتها سعديه
ال الجدعنه فرشتها ،!
وبالشرف مستغطيه
الصبح قالت ليتها يلا نفطر حضري الطبليه
سمعت الصويت جاي من عند جارتها ماريه
شوفى يابت احسن يكون مات مرقص جوز ماريه،
ايوه يمه
ده عم مرقص يا لهوتى المستخبيه !!!!
طيب يلا قومى احمى الفرن
ودسى الرز فى أكبر صنيه،!
وهاتى فرختين من العشه ال فيها الفراخ البدريه
علشان تكون اول صينيه للناس المعزيه
ويعد يوم طويل قالت لها يلا ناكل احسن احنا من الصبح بطننا مخويه
علشان هنقوم بدري قبل الفجريه
نزرع الغله لينا ولخلتك ماريه
وبكره هتروحى تودى السكر والشربات،لعمتك صفيه
دي حنة بنتها شكريه
والفرح نقلته عند اخوها فى داير الناحيه القبليه
وقولى لخوكي،يجيب من الخزنه البندقيه
ويضرب فى الهوا عيارين علشان يخافو مننا الحرميه
ويعرفون أن لينا هيبه قويه
مهو مات مرقص اللى كان مصدر الامان والحنيه
وخلى بالك يابنت ده كله سلف ودين
فى الفرح والتعزيه
ولو عندك حريقه دول اول ناس ليها مطفيه
وربنا يديم علينا الراحه واللقمه الهنيه
وده يوم من يوميات حمديه
اللى الجدعنه فرشتها
وبالشرف مستغطيه
ليست هناك تعليقات:
إرسال تعليق