بقلم/ وجيه حلمي
سكه حياه وماشيين فيها
سكه حياه ودايرين بيها
شويه ساعات محسوبه خطاويها
ودقه قلب مع حكايات بكل معانيها
سكه حياه ومتاهه
اول ما بنفتح عنينا عليها
.......... .......... ...........
سكه حياه
سكه حياه مليانا خطاوي
بندوق فيها طعم الفرحه
وبندوق الف آه
في سكه حياه
............. ............ .............
مدرسه وبتعلم دروس من الزمان
كل خطوه فيها بنعرف آيه معني الامان
بتحفر علي جبينا وتعرفنا
قبل ما ننسي يعني ايه انسان
في سكه حياه
........... ........... ..........
حكايات وراها حكايات
بنصحاب فيها ناس
وناس فيها بتمشي في سكات
تاييهين في زحمه حياه
وحياتنا آيه دي شويه ساعات
بنفرح بأللي جاي ونحزن علي اللي راح
واللي راح منا مات
ونفضل عايشين جوه اجمل حكايات
في سكه حياه
........... ............. ............
فرحه والم مكتوبه بالورقه والقلم
منقوشه في خطاوينا
من يوم ما انكتبت اسامينا
ونشوف الحياه بعنينا
والغيب ما يعرفه إلا الله
في سكه حياه
مصر
ليست هناك تعليقات:
إرسال تعليق