بقلم /عمران شحاذي
جذّف يا قبطان السفينة العايمي
وصّل حياتي للشطوط الحالمي
بَيْعت امل مع موكب الموجات
وانشر عبيرك بالليالي الهايمي
فوّت خيوط بعروة الغيمات
قطّب زرارن بالنجوم الحايمي
وعّي الندي تَيبَوّس الزهرات
ودّي نسيمك للاراضي الصايمي
هز النخل تَ يوَقع التمرات
حبة وحبة عل رمال الناعمي
إسقي الارض من خمرة الدمعات
زَحزِح همومك عل بوادي جاثمي
بخاف الورد يتطعم بشوكات
وتصير وردة اخت شوكة ظالمي
ميّل عشباك الدني لحظات
نَزّل سكونك عل وجوه النايمي
دَفّي طفل من قسوة البردات
وقّف هدير الريح صوبو هاجمي
هيدا طفل من وقت بَيّو مات
وإمو عخدمة بالبيوت مداومي
حَوْلا وحوش ملوٌثي بشهوات
بتنظر عليها بالعيون الاثمي
احمي شرفها بقوة الدعوات
ازرع بلاوي بالبيوت القاتمي
ارجع لعندي نكمل الرحلات
ندور ع دمعة عل خدود مزاحمي
موفق انشالله
ردحذفجميل و راءع
ردحذفجميل رائع
ردحذف