بقلم /إسحق حنين البياضي مصر
مالك يا موت بتخبط علي بابنا
لا احنا خايفين منك
ولا أنت علي بالنا
عايشين فى الدنيا
بطول والعرض
فاكرين أننا احنا وبس
وبعدنا ما في حد
حياتنا سادح ماداح
ومش فارق معنا الناس
بنأكل ونشرب ونام
وتارم حياتنا عادي.
وبننسئ انك دايما علي باب
في لحظة بتدخل
وتاخد أعز الأحباب
كل يوم خبر موت
النهاردة فلان وبكرة علان
وأمتي الدور يكون علينا
يا حرامي وسارق الخلان
عرفنا ليه بتفرق الناس
بتاخد الأب من أبنه والأم كمان
وحتي الأخ والأخت ما عتقتهم
وصاحب وصديق
صاروا في خبر كان.
كنا فاكرينك أنك بتأخد بس الكبار
او المريض إللي مالوش مكان
دلوقت عرفنا لما كبرنا
ما بتفرق بين انسان وإنسان
يا رايت ولو ينفع تعطينا خبر
قبل ما تدق البيبان
ونعرف انك جاي
نعمل حسابنا ونكون ف الانتظار
عارفين كلنا انك الحقيقة الوحيدة
من بدء الكون وللاخر زمان
يعني مهما يطول الأجل
انت جاي جاي
خبر الساعة وكل ساعة
الموت حقيقة مش خيال
ويصعب علينا أحبابنا
ولحظة الفراق تألمنا
من غير وداع
لا يبوداعونا ولا بنوداعهم
وغصة في قلب
توجعنا اووي وتوجعهم.
ليست هناك تعليقات:
إرسال تعليق