بقلم / ريم حلوانى
كيف بدي عيّد
وانا موجوع
ما في الا عم
نرجع رجوع
رجعني يا زمن
لزماني الاولاني
التطور والحضارة
خلوني انسى زماني
رجعني على ايام البركة
زرو سوق البركة
والمصاري فيها
بالايادي بركة ملياني
ردلي ايامي
يلي نسرقت قدامي
رجعلي الضحكة
يلي اختفت بين
المباني
عم فتش عليها
بالسراج والفتيل
وما في شي منها
قدامي
بكي ونواح على الاطلال
وغروب بلا شروق
عم فتش ع الضحكة
المش مزيفة وين
مخباية
رجعلى العمر المسروق
يلي ما بيرجع
من تاني
رجعلي فرح العيد خليني
عيد مع الاغاني
ردلي العيلة وضحكاتها
وجلستاتها الرنانة
وصوات الاحبة
عم تلعلع
فرحانه
ثياب مزركشة
بكل الالوان
والعالم من الله
خجلانه
الخير بالبيوت مغلف
بالنفسيات الفرحانه
شي ثياب
شي حلوايات
شي زيارة احباب
وصلة ارحام
يلي ما الها ثاني
ولك شو بدي احصي
وعد ت عد
ضاع العمر وضاعت
الاعياد وضُعنا
وضيعولي احلامي
ليست هناك تعليقات:
إرسال تعليق