بقلم/ أحمد جاد الله
كل ماتمشى وتعد
خطاك
تلقى نفسك محلك
سر
ومش عارفين إيه
السر
السر يكون فى إيد بتهد
ترفض أنك تعمل بجد
لما تلاقي إيد شغاله
تقوم تتمد وراك وتشد
ليه بتقوم وتشد في
إيدك
ترفض إنك تعلى
وتكبر وتبقى فى يوم
فوق اليد
تقوم تتدخل معاك
وتهد طموحك
وتمد الإيد وراك وتشد
يبقى عرفنا إيه السر
مهما حاولنا بالخطوه
نمد
في ميت إيد من ورا
بتشد
تشد وعايزك محلك سر
كل ما تخطوا كل خطاك
وأنت مكانك
تتوووه فى العد
مهما تقوم تعمل بضميرك
ياخده أوام منك ويشد
يكسر كل شويه طموحك
ومن كتر همومك تتوه
فى العد
و إيه هايفيد لو إيد
بتبني
ومن وراك كتير بيهد
ليه مانجمع كل إيد
ونعمل كلنا بروح
وجد
وننجح كمان مكاننا
ولا حد يفوقنا فى العد
ولا خلاص نوقف
العد
ونبقى فى مكاننا
محلك سر
ليست هناك تعليقات:
إرسال تعليق