بقلم/الأديبة والشاعرة زيزى ضاهر
عذرني يا قمر بكّر رجوعه
من سنين سبقني الك حلمي
ومن دون ما تعرف شو بني
عجناحك أخدتني وغمرة الحب
نستني شو بني
ومن دون حكي مشينا سوى بها الدني
مشوار بعيد شو طول بها المدى
ولا مرة سألت حالي شو بني
وليش الحب سكر بوابه من دون حكي
مش هم خابت ظنوني مرة
مش كل مرة منلتقي بالحب صدفة
تخمين سرقتني سنيني وأنا ناطرة ظلك
بس يا خسارة عيونك لحقت
خيال ودردشة موجودة بكتب منسية
متل كذبة نيسان نطرت رجوعك
قلب الموجوع بس بيعرف شو غمرة فراق وغربة
ومهما سافرت سنين الحلم بكير
ونامت بفي الغيم أشواقي بلا وعي
ومهما الوفا غاب من قلوب البشر
بيبقى الحب فارد جناحه
موجوع ناطر عا ها الشباك
حتى يرجع صحابه
ومن مطرح ما انتهى
نبتدي صفحة
بقلبك وقلبي بس مطرحا
Zizi daher
ليست هناك تعليقات:
إرسال تعليق