صحيت اليوم
وقلبي حامل شعور
ما بعرف اذا بفرح
لكن الفرح لقلبي ما عم
يعرف يفوت
ضيع طريقو ببلد محروق
بأية شوارع بدي امشي
وشوف هل الخراب منشور
شارع الحمرا زعلان ومنكوب
والبسطا عم تبكي من القهر
دموع
والدموع بالكواب مليانه
رحت ع الاشرفية ما عرفتها من النكبات
وشعبها عم يبكي بالصفوف
قلت خليني شوف الزلقا واهلها
شو عاملين
وزلقو اهلها انهم ما عايشين
غلى وما في امان بالبيوت
رجعت وما عارفه لوين بدي روح
بكفي هل المشوار
وببكي ع بلدي المنكوب
ام بصرخ من وجعي وبأعلى الصوت
يا سمعين الصوت وين ضمائركم
عم تفوت
وانا بطريقي راجعة
شفت الشحادين واقفين بالصفوف
ع كسرة خبز موافقين ينزلّوا
ت يعيشوا ويعيشو وولادهم
هيك الكرامة يا حكامنا بتكون
الكرامة ما بتجتمع مع الخيانة
يا حضرات المسؤولين
انتو بصفوف الخاينين
ما النا فيكم صلة
لح نشلح هل الكفوف
وندعي
ربنا بيخلصلنا حقنا منكم
هيك صحيت على هل الشعور
مش حرام الولحد يوعى مكسور
كسرتوا قلوبنا ودمرتوا الشعور
والحزن عم
الروح
كنا نخبي مشاعرنا ونقول
عيب نبوح
لكن اليوم اذا ما البوح اخذ محلو
الافضل تروح هل الروح
الى خالقها رب الروح
ارحم من العيشة جسد بلى روح
ليست هناك تعليقات:
إرسال تعليق